शनिबार, ७ भदौ २०७६
DainikNepal.com
शनिबार, ७ भदौ २०७६

नेपालको लगातार चौथो जित, बहराइनलाई १८६ रनले हरायो

दैनिक नेपाल २०७१ भदौ २ गते १३:४१

Nepal-Under16-Cricket

काठमाडौँ, २ भदौ । मलेसीयामा जारी एसीसी यू–१६ क्रिकेटमा नेपालले लगातार चौथौ जित हाँसिल गरेको छ ।

बहराइनलाई १८६ रनले पराजित गर्दै नेपाले लगातार चौथो जित हात पारेको हो ।

प्रतियोगितामा लगातार चौथो जितसँगै नेपाल उपाधि नजिक पुगेको छ । नेपालले प्रस्तुत गरेको २३४ रनको लक्ष्य पछ्याएको बहराइन २४.४ ओभरमा ४७ रन जोड्दा अलआउट भयो ।

यसअघि सिलांगोर टर्फ क्लबमा टस जितेर व्याटिङ रोजेको नेपालले निर्धारित ४० ओभरमा ८ विकेट गुमाएर २३३ रन बनाएको थियो ।

नेपालका लागि प्रनित थापाले अविजित ७० रनको योगदान दिए । रवि चन्दले ३३ रन जोडे ।

आइतबार भएको खेलमा नेपालले ओमानलाई १०२ रनको फराकिलो अन्तरले हराएको थियो । नेपालले अब अन्तिम खेलमा मंगलबार आयोजक राष्ट्र मलेसियाको सामना गर्नेछ ।

प्रतिक्रिया
सम्बन्धित