काठमाडौं, २५ जेठ । परराष्ट्रमन्त्री महेन्द्रबहादुर पाण्डेले परराष्ट्रसम्बन्धी नीति निर्माण तथा कार्य सम्पादन गर्दा सभासद्ले दिनुभएको सुझावको सरकारले कदर गर्ने बताउनु भएको छ ।
यवस्थापिका–संसद् अन्तराष्ट्रिय सम्बन्ध तथा श्रम समितिको आइतबारको बैठकमा उहाँले नेपालको राष्ट्रहित हुने गरी कूटनीतिक क्रियाकलाप हुनुपर्नेमा जोड दिँदै आर्थिक कूटनीतिलाई अघि बढाउन सोसम्बन्धी विषयलाई संविधानमा समेत समेट्नुपर्ने धारणा राख्नुभयो ।
मन्त्री पाण्डेले राहदानी वितरणलाई सहज र सरल बनाउने कामका लागि निवेदन लिन तीन काउन्टर बढाएर नौ पु¥याइएको, महिला, वृद्ध, केटाकेटी र अपाङ्गका लागि विशेष व्यवस्था गरिएको तथा राहदानी लिन दैनिक छ हजार निवेदन आउने गरेको भए पनि आठ हजार राहदानी तयार गर्न सकिने क्षमता रहेको बताउनुभयो ।
उहाँले हस्तलिखित ३५ लाख राहदानीमध्ये आठ लाखले यन्त्रले पढ्नसक्ने राहदानी लिइसकेको जानकारी दिँदै खर्च, प्रविधि र सुरक्षाको हिसाबले नसकिने भए पनि आवश्यक जनशक्ति बढाएर आगामी दिनमा विभिन्न ठाउँमा राहदानी वितरणस्थल विस्तार गरिने सोच छ भन्नुभयो ।
प्रतिक्रिया