काठमाडौं । महानायक राजेश हमालको सुहागरातका फोटाहरु सार्वजनिक भएका छन् ।
शनिबार काठमाडौंको होटल अन्नपूर्णमा करिब ५० जनामात्र निकटका आफन्तलाई बोलाएर सुनसरीकी मधु भट्टराईसँग राजेशले सुटुक्क बिहे गरेका थिए ।
राजेशको नवविवाहित जोडीले धुलिखेलस्थित द्वारिका होटल रिसोर्ट सुहागरात मनाएको हो । रिसोर्टको ओछयान गुलावले सजाइएको छ भने अगाडिको सानो टेबलमा वाइनको बोतल देखिन्छ । फेसबुकमार्फत सार्वजनिक गरिएको फोटोमा राजेश सर्ट, हाफ पाइन्ट र स्पोटर्स सुजमा देखिएका छन् भने मधु पहेंलो कुर्ता सलवारमा छिन् ।
झण्डै नौ बर्ष अघि मई २८ तारिकमा मधु–हमालको पहिलो भेट भएको थियो । पाँचतारे होटल हायातमा एक कार्यक्रमको बेला यो जोडीको मिलन भएको थियो । राजेशले आफ्नो भिजिटिङ् कार्ड मधुलाई दिएका थिए भने मधुले पहिलो फोन गरेकी थिइन् ।
औपचारिक समारोहमा भेटिएकी मधुसँगको सामीप्यता बढ्दै गएपछि उनीहरुबीच प्रेम अंकुरण भएको थियो । बैशाख ३१ गते हमालले सञ्चारकर्मीका सामु होटल शंकरमा मधुलाई औपचारीक रुपमा सार्वजनिक गरेका थिए ।
प्रतिक्रिया