राष्ट्रपति चयनका लागि मतदान जारी, प्रधानमन्त्रीले भोट हाले (फोटो फिचरसहित)

काठमाडौँ ११ कातिक । प्रधानमन्त्री केपी शर्मा ओलीले आज नेपालको दोश्रो राष्ट्रपति चयनका लागि मतदान गर्नुभएको छ ।

राष्ट्रपति चयनको लागि नयाँबानेश्वरस्थित व्यवस्थापिका–संसद् भवनको ल्होत्से हलमा जारी गोप्य मतदानमा ११ः२५ बजे ओलीले मतदान गर्नुभएको हो ।

यसैगरी, प्रधानमन्त्री ओलीपछि राष्ट्रपतिका उम्मेदवार विद्यादेवी भण्डारीले पनि मतदान गर्नुभयो । मतदान अपराह्न २ बजेसम्म जारी रहनेछ । यस्तै मतदानका लागि विभिन्न पार्टीका शीर्ष नेता र सभासद् लाइनमा हुनुहुन्छ । रासस