रक्सौलमा रोकिएका ग्यासका बुलेट सुनौलीबाट ल्याइने

भैरहवा । भारतको रक्सौल नाकामा अड्किएका ग्यासका बुलेट रुट बदलेर सुनौली नाकाबाट नेपाल ल्याइने भएको छ ।

भारतीय आयल निगम (आइओसी)ले नेपाल आयल निगमसँग रुट बदलेर सुनौली नाकाबाट भैरहवा हुँदै गन्तव्यमा पुर्याउन सहमति दिएको र त्यसका लागि आवश्यक कागजी प्रक्रिया मिलाउने काम भइरहेको नेपाल आयल निगम क्षेत्रीय कार्यालय स्रोतले जनाएको छ ।

परराष्ट्रमन्त्री कमल थापालगायत वाणिज्य तथा आपूर्ति मन्त्रालय र निगमका उच्चपदस्थ कर्मचारी पनि शनिबारदेखि दिल्लीमा रहेकाले भारतीय अधिकारीसँग नाकाबन्दी खुलाउन र आपूर्ति सहज बनाउने कार्यमा वार्ता जारी रहेको क्षेत्रीय प्रवन्धक दिनेशकुमार यादवले बताए । अन्नपूर्ण पोस्टमा समाचार छ ।