काठमाडौं, २ असोज । मधेसमा आन्दोलनको नेतृत्व गरिरहेको संयुक्त लोकतान्त्रिक मधेशी मोर्चा फुटेको छ ।
मोर्चाका शक्तिशाली एक नेता सदभावना पार्टीका अध्यक्ष राजेन्द्र महतोले शनिबार अलग भएर नयाँ मोर्चा गठन गरेका छन् ।
संबिधानसभा छाडेर मधेस आन्दोलनमा होमिएका महतोले अहिलेको मोर्चाबाट अलग हुँदै नेकपा माओवादीका मातृका यादव र तराई मधेस राष्ट्रिय अभियानका संयोजक जयप्रकाश गुप्तालाई लिएर नयाँ मोर्चा गठन गरेका हुन् ।
तीनदलले बलजफ्ती संविधान घोषणा गरेपछि मधेस आन्दोलनलाई अझै सशक्त बनाउन नयाँ मोर्चा गठन भएको जारी विज्ञप्तिमा जनाइएको छ ।
प्रतिक्रिया