६ मंसिर २०८३, आइतबार

मधेश प्रदेशका नवनियुक्त मुख्यमन्त्रीको शपथ ग्रहण आज

0
Shares

फन्ट परिवर्तन गर्नुहोस:

  • change font
  • change font
  • change font

जनकपुर । मधेश प्रदेशका नवनियुक्त मुख्यमन्त्री सरोजकुमार यादवले आज (आइतबार) शपथ ग्रहण गर्ने भएका छन् ।

मधेश प्रदेश प्रमुख कार्यालयका सचिव नारायण दाहालले मुख्यमन्त्री यादवले बिहान ११ बजे प्रदेश प्रमुख कार्यालय परिसरमै शपथ ग्रहण कार्यक्रम राखिएको जानकारी दिए । उनले अहिले मुख्यमन्त्री यादवले मात्र शपथ लिने बताए ।

उनका अनुसार मुख्यमन्त्री यादवले आन्तरिक छलफल गर्दै छन् र बिहान ११ बजेभन्दा पहिलेसम्म टुंगो लागेमा सानो मन्त्रिपरिषद् विस्तार हुने सम्भावना पनि रहेको छ ।

प्रदेश प्रमुख सुरेन्द्र लाभ कर्णले शनिबार संविधानको धारा १६८ को ३ बमोजिम सबैभन्दा ठूलो दलको हिसाबले जनता समाजवादी पार्टी नेपालका संसदीय दलका नेता यादवलाई मुख्यमन्त्री पदमा नियुक्त गरेका थिए । यसअघि शुक्रबार दिउँसो ४ बजेसम्म रहेको दाबी पेशको अवधिमा कुनै पनि दलले दाबी पेश गरेको थिएन ।