भरतपुरमा ईभी कारमा आगलागी हुँदा एक जनाको मृत्यु

चितवन । चितवनको भरतपुर महानगरपालिका–९ स्थित बसन्तचोकमा ईभी कारमा आगलागी हुँदा एक जनाको मृत्यु भएको छ।

शुक्रबार बिहान करिब ६ बजे बसन्तचोकस्थित पूर्व–पश्चिम राजमार्गको सर्भिस लेनमा पूर्वबाट पश्चिमतर्फ आउँदै गरेको बा. प्र. ०१–०३० च ५५७९ नम्बरको ईभी कारमा अचानक आगलागी भएको जिल्ला प्रहरी कार्यालय चितवनले जनाएको छ ।

दमकलले आगो नियन्त्रणमा लिएपछि गाडीभित्र एक जनाको जलेको अवस्थामा शव फेला परेको जिल्ला प्रहरी कार्यालय चितवनका एसपी रामेश्वर पौडेलले जानकारी दिए ।

आगलागीबाट गाडी पूर्ण रूपमा जलेर क्षतिग्रस्त भएको छ ।

मृतकको सनाखत हुन सकेको छैन । कारमा आगलागीको कारण खुल्न नसकेको प्रहरीले जनाएको छ ।