काठमाडौं, १० असोज । हिमालयन सेक्युरिटिज लिमिटेडको पाँचौं वार्षिक साधारण सभा बिहीबार कम्पनीको दर्ता कार्यालय कमलादीमा सम्पन्न भएको छ । सभाले कम्पनीको आ.व. २०८१/८२ को सञ्चालक समितिको प्रतिवेदन, वित्तीय विवरण (वासलात, नाफा नोक्सानको हिसाव, नगद प्रवाह विवरण) लगायतका वार्षिक विवरण उपर छलफल गरी पारित गरेको छ ।
यसैगरी, सभाले सञ्चालक समितिले प्रस्ताव गरे बमोजिम चुक्ता पूँजीको ८ प्रतिशत (कर सहित) नगद लाभांश वितरण गर्ने प्रस्ताव पारित गरेको छ ।
साधारण सभाले आ.व. २०८२/८३ का लागि कम्पनी ऐन, २०६३ को दफा १११ बमोजिम एम.बी. श्रेष्ठ एण्ड कम्पनी, चार्टर्ड एकाउन्टेन्टस् लाई लेखापरीक्षक नियुक्त गर्ने प्रस्ताव समेत पारित गरेको छ । सभामा सञ्चालक समितिका अध्यक्ष सुशिल जोशीले कम्पनीले छोटो समयमा नै हासिल गरेको उपलब्धिमा प्रकाश पारे तथा कम्पनीले अनुपालना, सुशासन, आधुनिक प्रविधिको अनुशरणमा जोड दिई सर्वसुलभ रुपमा धितोपत्र दलाल सेवा उपलब्ध गराई यस क्षेत्रमा नेपालको एक नेतृत्वदायी भूमिका निभाउने मुख्य लक्ष्य रहेको समेत जानकारी गराए ।
प्रतिक्रिया