कठमाडौं, २० असोज । एनएमबि बैंकले प्रधानमन्त्री दैवी प्रकोप उद्धार कोषमा ५१ लाख बराबरको रकम सहयोग स्वरुप प्रदान गरेको छ ।
सहयोगले बाढीपहिरोबाट प्रभावितलाई राहत तथा पुनर्स्थापना गराउन र बिग्रीएका, भत्किएका संरचनाहरुको पुनर्निमाण गर्न महत्वपूर्ण योगदान पुग्ने बिश्वास बैंकले लिएको छ ।
बैंकका उच्च पदाधिकारीहरुले आज प्रधानमन्त्री कार्यालय सिंहदरबार पुगेर सहयोग रकम बराबरको चेक प्रधानमन्त्री केपी शर्मा ओलीलाई हस्तान्तरण गर्नुभएको हो ।
सामाजिक उत्तरदायित्व र सामुदायिक कल्याणप्रति प्रतिबद्धता जनाउँदै सहयोग उपलब्ध गराएको बैंकले बताएको छ । एनएमबि बैंकले हाल देशभर २०१ शाखाहरु, १८७ एटिएम र ११ एक्सटेन्सन काउन्टर मार्फत सेवा प्रदान गर्दै आइरहेको छ ।
प्रतिक्रिया