बाबुरामका छोरी ज्वाइँले भेटे केपी ओली

काठमाडौं, २२ भदौ । पूर्वप्रधानमन्त्री बाबुराम भट्टराईकी छोरी मानुषी यमी भट्टराईले नेकपा (एमाले)का अध्यक्ष एवं पूर्वप्रधानमन्त्री केपी शर्मा ओलीसँग भेट गरेकी छन् ।

बाबुरामको नेपाल समाजवादी पार्टी (नेसपा)को सूचना तथा सञ्चार प्रविधि विभाग प्रमुख समेत रहेकी नेतृ मानुषी र उनकी पति जेकेन्द्र श्रेष्ठले एमाले अध्यक्ष ओलीसँग भेट गरेका हुन् ।

शुक्रबार बिहान सामाजिक सञ्जालमा लेख्दै मानुषीले अध्यक्ष ओलीसँग समसामयिक विषयहरू कुराकानी भएको जनाएकी छन् ।

‘पूर्वप्रधानमन्त्री एवं नेकपा (एमाले)का अध्यक्ष आदरणीय केपी शर्मा ओलीसँग समसामयिक विषयहरूमा छलफलपश्चात् !’ फेसबुकमा लेख्दै उनले ओलीलाई मेन्सन गर्दै दुई वटा तस्वीर सेयर गरेकी छन् ।