खोलाको बीचमा अड्किएका दुई बालकको उद्धार

काठमाडौं, २७ साउन । कामाडौँको कीर्तिपुर र चन्द्रागिरि नगरपालिकाको सीमा क्षेत्रस्थित बल्खु खोलाको बीच भागमा बाढी आएर अड्किएका दुई बालकको प्रहरीले उद्धार गरेको छ।

उद्धार गरिएकामा नुवाकोट घर भई काठमाडौँको कलङ्की बस्ने ११ वर्षीय सुमित आचार्य र बर्दिबास घर भई सोही ठाउँ बस्ने रिदम अधिकारी रहेका छन् ।

उनीहरू पौडी खेल्न गएका बेला एक्कासी बाढी आएपछि बिचमा अड्किएका थिए ।