काठमाडौं, २५ साउन । नेपाल प्रहरीको केन्द्रीय अनुसन्धान ब्यूरो (सीआईबी) ले शैक्षिक प्रमाणपत्र कीर्ते गरेको आरोपमा थप एकजना डाक्टरलाई पक्राउ गरेको छ ।
पक्राउ पर्नेमा महोत्तरी पिपरा-८ का रञ्जितकुमार यादव रहेका छन् । उनी प्राइभेट क्लिनिकमा काम गर्दै आएका थिए ।
यादवसँगै सीआईबीले यसअघि काँग्रेस सांसद सुनिल शर्मा र त्रिवि शिक्षण अस्पतालका डाक्टर अमित चौधरीलाई पक्राउ गरिसकेको छ ।
सीआईबीले शैक्षिक प्रमाणपत्र कीर्ते गर्नेलाई पक्राउ गर्न फक्सट्रट चार्ली अपरेशन चलाइरहेको जानकारी दिएको छ ।
अपरेशन देशैभर सञ्चालित छ । यो प्रकरणमा थप अरू पनि पक्राउ पर्ने सीआईबीले बताएको छ ।
प्रतिक्रिया