मोटरसाइकल दुर्घटनामा तीनजनाको मृत्यु

सुनसरी, ६ साउन । सुनसरीको इटहरीमो मोटरसाइकल दुर्घटना हुँदा तीनजनाको मृत्यु भएको छ ।

एकै मोटरसाइकलमा चारजना सवार रहेकामा तीनजनाको मृत्यु भएको हो । मृत्यु हुनेमा इटहरी १६ बस्ने अन्दाजी २६ वर्षीय करण चौधरी, सोही स्थानका २७ वर्षीय शम्भु चौधरी र २४ वर्षीय अनिनेश चौधरी छन् ।

शुक्रबार राति इटहरीको कान्छी चोकस्थित पूर्व–पश्चिम राजमार्गमा पश्चिमतर्फ जाँदै गरेको भारतीय नम्बर डब्ल्यु बी ७३ इ ९११७ को पिकअप भ्यानसँग पश्चिमबाट पूर्व आउँदै गरेको को २९ प ३७१२ नम्बरको मोटरसाइकल एकापसमा ठोक्किएका थिए ।

दुर्घटनामा २७ वर्षीय प्रेमलाल चौधरी गम्भीर घाइते भएका छन् ।