काठमाडौं महानगरले भद्रकुमारी घले सेवा सदनमा चलायो डोजर

काठमाडौं, ३ साउन । काठमाडौंको अनामनगरस्थित देवीनगरमा रहेको भद्रकुमारी घले सेवा सदनमा काठमाडौं महानगरपालिकाले डोजर चलाएको छ ।

सार्वजनिक जग्गा अतिक्रमण गरेर सदन सञ्चालन भएको पाइएपछि महानगरले डोजर चलाएको हो ।

महानगरले भवन खाली गर्न तीन दिनअघि नै सूचना जारी गरको थियो । सदनमा ठूलो संख्यामा प्रहरी समेत परिचालन गरिएको छ। उक्त भवनमा आश्रम सञ्चालन गरिराखेको थियो ।

त्यहाँ असहाय अशक्त वृद्धवृद्धाहरुलाई आश्रय दिइरहेको थियो । आश्रममा रहेका वृद्धवृद्धाहरुलाई महानगरले मानवसेवा आश्रम पठाउने तयारी गरेको छ ।