काठमाडौं, १७ असार । बालुवाटारस्थित ललिता निवास जग्गा व्यक्तिको नाममा गरेको प्रकरणमा थप तीनजना पक्राउ गरेको छ ।
नेपाल प्रहरीको केन्द्रीय अनुसन्धान ब्यूरो (सीआईबी) ले आइतबार थप तीनजनालाई पक्राउ गरेको हो ।
पक्राउ पर्नेमा काठमाडौं महानगरपालिकाका बहालवाला छैठौँ तहका अधिकृत बाबुराजा महर्जन, शिवजी भट्टराई र घमनकुमार कार्की रहेका छन् ।
यही प्रकरणमा प्रहरीले केही दिनअघि सात जनालाई पक्राउ गरेको थियो । जसमा तीनजना पक्राउ परेकै दिन अदालतको स्टे अर्डरको सहायतामा रिहा भएका थिए ।
भाटभटेनीका मालिक मिनबहादुर गुरूङ, निर्वाचन आयोगका पूर्व प्रमुख आयुक्त सुधिरकुमार साहसहित तीनजना प्रहरीको हिरासतमा छन् ।
प्रतिक्रिया