काठमाडौं, १७ चैत । लामो समयपछि अभिनेता पल शाहले अभिनय गरेको भिडिओ तिमीसंगै हुँदा सार्वजनिक भएको छ।
लोकप्रिय गीतकार निशा शर्मा अर्यालको रचनामा तयार पारिएको गीत तिमीसँगै हुँदा ओएसआर डिजिटलबाट सार्वजनिक भएको हो ।
‘तिमीसँगै हुँदा’ लाई निर्देशक तथा कोरियोग्राफर दिनेश पाख्रिनले निर्देशन गरेका हुन् ।
किशोरी बलात्कार अभियोगमा जेल परेका अभिनेता पल शाह निर्दोष सावित भई बाहिर आएलगत्तै दिनेश पाख्रिन निर्देशित भिडियोमा काम गरेका हुन ।
पहिले नै सम्झौता भए अनुसार पलले तिमीसँगै हुँदामा काम गरेका हुन ।
जनक कार्की नृत्य निर्देशक रहेको गीतमा पलसँगै कला राई फिचर्ड छन् । रोमान्टिक लभस्टोरी गीतमा सन्तोष श्रेष्ठको संगीत र प्रकाश मिश्रको मिक्सिङ रहेको छ ।
निशा शर्मा अर्यालको शब्दलाई राजु कार्कीले एरेन्ज गरेका हुन ।
गीतमा प्रताप दास र अस्मिता अधिकारीको स्वर छ ।
प्रतिक्रिया