
काठमाडौं, ५ चैत । नेपाल संस्कृत विश्वविद्यालयअन्तर्गत रहेको वाल्मीकि विद्यापीठमा स्वतन्त्र विद्यार्थी युनियन (स्ववियु) निर्वाचन स्थगित भएको छ ।
नेपाली कांग्रेसनिकट विद्यार्थी संगठन नेविसंघले क्याम्पसमा तालाबन्दी गरेसँगै निर्वाचन स्थगित भएको हो ।
निर्वाचन प्रक्रियामा दर्ता भएका विद्यार्थी संगठनहरूबीच छलफल नगरी निर्वाचन प्रक्रिया अगाडि बढाइएको भन्दै नेविसंघले विद्यापीठ प्रशासनमा तालाबन्दी गरेको हो ।
त्रिभुवन विश्वविद्यालयसहित देशभरका आङ्गिक र सम्बन्धन प्राप्त अधिकांश क्याम्पसमा स्वतन्त्र विद्यार्थी युनियन (स्ववियु) निर्वाचन सुरू भएको छ ।
विद्यार्थीको तालाबन्दी र विभिन्न समस्याका कारण केही क्याम्पसहरूमा भने निर्वाचन नहुने भएको छ । काठमाडौंका २२ आङ्गिक क्याम्पसहरूमध्ये ८ वटा क्याम्पसमा भने आज निर्वाचन नहुने भएको छ ।












प्रतिक्रिया