ओडीआई वरीयतामा नेपाल १६औँ स्थानमा उक्लियो

काठमाडौं, १ चैत । आईसीसी ओडीआई वरीयतामा नेपालले आफ्नो स्थान सुधार गरेको छ ।

आईसीसीले सार्वजनिक गरेको ओडीआई वरीयतामा नेपाल एक स्थान सुधार गर्दै १६औं स्थानमा उक्लिएको हो ।

केही दिनअघि मात्रै १९औं स्थानबाट १७औं स्थानमा उक्लिएको नेपाल १६औँ स्थानमा उक्लिएको हो ।

क्रिकेट विश्वकप लिग ‘टु’ मा उत्कृष्ट प्रदर्शन गरिरहेको नेपालले निरन्तर वरीयता सुधार गरेको हो । नेपालले लिग टु मा ११ खेल खेल्दा १० खेल जितेको छ ।