काठमाडौं, २ माघ । सत्ता साझेदार दलहरुको बैठकले राष्ट्रपति र सभामुख नेकपा एमालेलाई दिने सहमति गरेको छ ।
प्रधानमन्त्री निवास बालुवाटारमा आज बसेको उच्चस्तरीय राजनीतिक संयन्त्रको बैठकले दुवै पद एमालेलाई दिने निर्णय गरेको हो ।
उपसभामुख र उपराष्ट्रपतिको बारेमा भने अझै निष्कर्षमा नपुगिएको बताइएको छ ।
यस्तै, सरकारमा एमालेले उपप्रधानमन्त्रीसहित आठ वटा मन्त्रालयको जिम्मेवारी र दुई जना राज्यमन्त्री पाउने भएको छ ।
उपप्रधानमन्त्री तथा अर्थमन्त्री विष्णु पौडेलसहित तीन जना मन्त्री यसअघि नै नियुक्त भइसकेका छन् । बाँकी विभागीय र राज्यमन्त्रीको सपथ भोलि हुने भएको छ ।
प्रतिक्रिया