नेकपा एकीकृत समाजवादीको पोलिट्ब्यूरो बैठक जारी

काठमाडौं, १८ पुस । नेकपा (एकीकृत समाजवादी) को पोलिट्ब्यूरो बैठक बसिरहेको छ ।

पार्टी केन्द्रीय कार्यालय शान्तिनगरमा जारी बैठकमा सरकारमा सहभागी हुने कि नहुने भन्ने विषयमा छलफल भइरहेको बताइएको छ ।

यसअघि, शनिबार र आइतबार बसेको स्थायी कमिटी बैठकमा पनि सरकारमा सहभागी हुने कि नहुने भन्ने विषयमा छलफल भएको थियो ।

स्थायी कमिटी बैठकमा अधिकांशले सरकारमा सहभागी हुनुपर्ने धारणा राखेका थिए भने केहीले हत्तार गर्न नहुनेमा जोड दिएका थिए ।