
हेटौंडा, १२ पुस । नेपाली कांग्रेस बागमती प्रदेशको संसदीय दलको नेतामा बहादुर सिं लामा विजयी भएका छन् ।
हेटौंडा-१० स्थित संसदीय दलको कार्यालयमा आज भएको निर्वाचनमा पार्टीका केन्द्रीय सदस्य समेत रहेका लामा २१ मतसहित निर्वाचित भएका हुन् ।
उनका निकटतम् प्रतिस्पर्धी कांग्रेस प्रदेश सभापति समेत रहेका इन्द्रबहादुर बानियाँले १६ मत मात्र प्राप्त गरेको कांग्रेस बागमती प्रदेशका महामन्त्री राजु श्रेष्ठले जानकारी दिए ।
निर्वाचनमा कांग्रेसबाट निर्वाचित बनेका सबै ३७ जना प्रदेशसभा सदस्यले मतदान गरेका थिए ।
चुनावी प्रतिस्पर्धा गरेका लामा र बानियाँ दुबै पार्टी सभापति शेरबहादुर देउवा समूहका हुन् ।












प्रतिक्रिया