त्रिशूली (नुवाकोट), ३० वैशाख । विनाशकारी भूकम्पमा परी नुवाकोटमा मृत्यु हुनेको सङ्ख्या एक हजार ३० पुगेको छ ।
आजसम्म जिल्ला प्रहरी कार्यालयले दिएको जानकारीअनुसार १२ बजे वैशाखमा आएको भूकम्पको कारण एक हजार २९ र मङ्गलबार आएको भूकम्पको कारण एक गरी एक हजार ३० को ज्यान गएको हो ।
भूकम्पमा परी २२८ पुरुष, ३७० महिला, १४६ बालक, १४० बालिका, ६८ नाबालक र ७८ नाबालिकाको ज्यान गएको हो । जिल्लाको गाविसअनुसार मृतकको विवरण निम्नानुसार रहेको छ ।
भूकम्पले सबैभन्दा बढी घ्याङ्फेदी गाविसमा असर गरेको छ । घ्याङ्फेदीमा जिल्लामै सबैभन्दा बढी ८१ को ज्यान गएको छ । शिखरबेसीमा ६८, विदुर नपामा ६५, काहुलेमा ५२, गाउँखर्कमा ५१ र भाल्चेमा ४१ को ज्यान गएको छ । बेतिनीमा ३५, गेर्खुमा ३३, लच्याङमा चार, हल्देकालिकामा १९, बागेश्वरीमा पाँच, सिक्रेमा आठ, समुन्द्रादेवीमा पाँच, महाकालीमा सात, सुनखानीमा पाँच, भद्रुटारमा पाँच, खरानीटारमा चार, रालुकमा १५ जना र नर्जामण्डपमा १३ को ज्यान गएको छ ।
यस्तै, पञ्चकन्यामा एक, उर्लेनीमा आठ, कविलासमा ६, समुन्द्रटारमा २२, बालकुमारीमा ६, राउतबेसीमा ११, देउरालीमा १५, बुङताङमा १२, मदानपुरमा १५, बेलकोटमा पाँच, ककनीमा १०, चतुरालेमा नौ, चाउथेमा नौ, फिकुरीमा १६, मनकामनामा ३२, तुप्चे २८, तलाखुमा १३, छापमा आठ, लिखुमा २१ र तारुकामा चारजनाको ज्यान गएको छ ।
यस्तै, बुधसिङमा सात, गोस्र्याङमा ६, दाङसिङमा तीन, बर्सुन्चेमा तीन, साल्मेमा २०, किम्ताङमा आठ, दुईपिपलमा १५, रातमाटेमा १२, सामरीमा ३८, कल्याणपुरमा ३४, जिलिङमा एक, खड्गभञ्ज्याङमा १३, चारघरेमा पाँच, खानीगाउमा नौ, सूर्यमतीमा ६, चौघडामा १२, गणेशस्थानमा ६, ओखरपौवमा पाँच, कुमरीमा ११, सुन्दरादेवीमा २३, थप्रेकमा पाँच, थानापतिमा तीन र थानसिङमा १८ को ज्यान गएको छ । रासस
प्रतिक्रिया