काठमाडौं, २९ कात्तिक । लामो समयदेखि प्रतिक्षारत रहेको पोखरा अन्तर्राष्ट्रिय विमानस्थलको निमार्ण कार्य सकिएको छ । विमानस्थल पुस देखि सञ्चालनमा ल्याउने तयारी भईरहेको नागरिक उड्डयन प्राधिकरणले बताएको छ ।
यसका लागि रिठ्ठेपानी डाँडा काट्न सुरु गरिएको छ । सरकारले गत असारमै रिठ्ठेपानी डाँडाका रुख कटौती गर्न स्वीकृति दिएको थियो।
सरकारले ४० मिटरसम्म डाँडा कटान गर्न अनुमति दिए पनि प्राधिकरणले हाल १४ मिटर कटान गर्ने जनाएको छ। १४ मिटर कटान गर्दा परीक्षण उडान गर्न सकिन्छ।
विमानले ७ दिन पोखराको आकाशमा उडेर त्यहाँ जडान भएका उडान सम्बन्धी उपकरण तथा प्रविधिहरुको जाँच गर्ने छ । क्यालिब्रेसन उडानमा एरोथाईका पाइलट, रेडियो, एरोनटिकल, इलेक्ट्रोनिकल इन्जिनियर तथा प्राविधिहरु हुने छन् ।
प्रतिक्रिया