
मकवानपुर, २६ कात्तिक । मकवानपुरको भीमफेदी-९ घडेरी बस्ने लाल बाबु प्रजाको काठले बनेको २ तल्ले कच्चि घरमा आगलागी भएको छ ।
बिहीबार राती प्रजाको घरमा एक्कासी आगलागी हुँदा घरमा रहेको नगद ५० हजार, २ तोला सुन र घरको तल्लो तलामा पालिएको ४ सय वटा कुखुरा जलेर नष्ट भएको जिल्ला प्रहरी कार्यालय मकवानपुरले जनाएको छ ।
आगलागीमा प्रजाको छोरी १९ वर्षीया रेजिना प्रजा आगोले पोलेर घाइते भएको र उपचारको लागी किर्तीपुर अस्पताल पठाइएको प्रहरीले जनाएको छ ।
आगलागीबाट घर, अन्नपात, लत्ताकपडा र भाडावर्तन, सुन, नगद, पशुपन्छी समेत जलेर नष्ट हुँदा १० लाख बराबरको क्षति भयको जिल्ला प्रहरी कार्यालय मकवानपुरले जनाएको छ ।











प्रतिक्रिया