
वीरगञ्ज, ७ साउन । वीरगञ्जमा दुई दिनदेखि हराइरहेकी ४ वर्षीया बालिका मृत अवस्थामा फेला परेकी छन् ।
शनिबार विहान वीरगञ्ज–२ छपकैया घुसुकपुर बस्ने सिकन्दर अलीको छोरी सुहाना खातुनको शव फेला परेको हो ।
स्थानीयले बालिकाको शव देखेपछि प्रहरीलाई खबर गरेका थिए ।
साउन ५ गतेदेखि हराइरहेकी सुहानाको आज शव भेटिएको हो । शुक्रबार परिवारले बालिका हराएको निवदेन प्रहरीलाई दिएका थिए ।
हाल वडा प्रहरी कार्यालय विर्ताका प्रहरी निरीक्षक विशाल मल्ल नेतृत्वको प्रहरी टोली घटनास्थल पुगे शव जाँच मुचुल्का तयार गर्दैछ । त्यसपछि शव पोष्ट मार्टमका लागि नारायणी अस्पताल लगिने प्रहरीले जनाएको छ ।
प्रहरीले बालिकाको हत्या आशंकमा दुई जनालाई पक्राउ गरेको छ । प्रहरीले १४ वर्षीय बालक र अर्को एक जनालाई पक्राउ गरेको हो ।
उनीहरुले भने बालिकाको लडेर मृत्यु भएको दावी गरेका छन् ।
बालिकाको गालामा चोट देखिएको प्रहरीले जनाएको छ ।












प्रतिक्रिया