नेकपा एसका विद्यार्थीद्वारा त्रिवि उपकुलपतिको कार्यकक्ष तोडफोड

काठमाडौँ, २७ असार । नेकपा (एकीकृत समाजवादी)को विद्यार्थी संगठन अनेरास्ववियूले त्रिभुवन विश्वविद्यालयको उपकुलपतिको कार्यकक्ष तोडफोड गरेको छ ।

सोमबार संगठनको एक समूहले उपकुलपति प्रा.डा.धर्मकान्त बास्कोटाको कार्यकक्षका कुर्सी, टेबल लगायतका सामग्री तोडफोड गर्नुका साथै उपकुलपतिको बाहिरको नम्बरप्लेट पनि फालिदिएका छन् ।

संगठनले उपकूलपतिलाई ज्ञापनपत्र बुझाउन जाँदा बाहिर प्रहरीलाई परिचालन गरेको भन्दै उनीहरुले तोडफोड गरेको जनाएका छन् ।