काठमाडौं, १२ जेठ । काठमाडौंको मेयरमा स्वतन्त्र उम्मेदवार बालेन शाह विजयी हुँदैछन् ।
अब तीनवटा वडाको मात्रै मतगणना बाँकी छ ।
निर्वाचन आयोगले सम्भवत आजै अन्तिम मतपरिणामको घोषणा गर्नेछ ।
मतगणना सकिएर बालेनलाई विजयी घोषणा गरिएसँगै समर्थकहरुले विशाल र्यालीको तयारी गरेका छन् ।
मतगणनास्थल सभागृहबाट र्याली सुरु भएर काठमाडौंका थुप्रै स्थान परिक्रमा गर्ने बताइएको छ ।
सामाजिक सन्जालमार्फत आएको जानकारीअनुसार जुलुस राष्ट्रिय सभागृहबाट भद्रकाली, शहीदगेट, हुँदै त्रिपुरेश्वर र कलंकीसम्म पुग्नेछ ।
त्यहाँबाट फेरि स्वयम्भु, बालाजु, महाराजगञ्ज, चाबाहिल, गौशाला, एयरपोर्ट, सिनामंगल, पुरानो बानेश्वर, मैतिदेवी, पुतलीसडक, बागबजार हुँदै खुल्लामञ्चमा गएर समापन गरिने छ ।
यद्यपि बालेनले भने आफ्नो विजयको निश्चित भएपछि मतदातालाई धन्यवाद दिँदै विजयी र्यालीको साटाे धन्यवाद सभा गर्न आग्रह गरेका थिए ।
प्रतिक्रिया