जनकपुरधाम उपमहानगरको मेयरमा स्वतन्त्र उम्मेदवार विजयी

धनुषा, ९ जेठ । जनकपुरधाम उपमहानगरपालिकाको मेयरमा स्वतन्त्र उम्मेदवार मनोजकुमार साह सुडी विजयी भएका छन् ।

सत्ता गठबन्धनले जनकपुरधामको मेयर पदमा कांग्रेसको उम्मेदवार नउठाउने निर्णय गरेपछि पार्टीमा विद्रोह गरेर स्वतन्त्र उम्मेदवार बनेका साह १३ हजार ४६५ मत प्राप्त गरेर विजयी भएका छन् ।

उनका निकटतम प्रतिस्पर्धी एमालेका शिवशंकर साहले नौ हजार ५३२ मत पप्त गरे भने सत्ता गठबन्धनको तर्फबाट जनता समाजवादी पार्टी (जसपा) का उम्मेदवार लाल किसोर साहले पाँच हजार १९४ मत प्राप्त गरेका छन् ।

उपमेयर पदमा कांग्रेसका उम्मेदवार किशोरी साह १५ हजार ५२५ मत ल्याएर विजयी भएकी छिन् ।