चितवनमा हुरीका कारण ३ जनाको मृत्यु

चितवन, ६ जेठ । चितवनमा हावाहुरीका कारण ३ जनाको मृत्यु भएको छ ।

जिल्ला प्रहरी कार्यालय चितवनले शुक्रबार साँझ आएको हुरीका कारण भएको घटनाबाट ३ जनाको मृत्यु भएको जनाएको छ ।

यद्यपि मृतहरुको पहिचान खुलेको छैन ।

भरतपुर–११ भोजाडमा रुख ढलेर अटो च्यापिदा २ जनाको घटनास्थलमै मृत्यु भएको प्रहरीले जनाएको छ ।

त्यस्तै, भरतपुर–१ बसिनेमा रुखले म्याजिक च्यापिदा थप एक जनाको मृत्यु भएको प्रहरीको भनाइ छ ।

त्यस्तै आजै साँझ नारायणी पुल नजिकै पनि हाराहुरीकै कारण ट्रक दुर्घटना हुँदा २ जना घाइते भएका थिए ।

चितवनसहित देशका विभिन्न स्थानमा हावाहुरी आएको छ ।