बाराको कलैयामा गठबन्धनलाई हराउँदै एमालेको सानदार जीत

काठमाडौं, ६ जेठ । बाराको कलैया उपमहानगरपालिकामा एमालेले सानदार जीत हासिल गरेको छ ।

सत्ता गठबन्धनलाई सहज पराजित गर्दै एमालेका विनोद साहले मेयरमा र उपमेयरमा रौशन परविन निर्वाचित भएका छन् ।

साहले २२ हजार ९६ मतसहित विजयी हुँदा कांग्रेसका राजेश रायले १६ हजार ८७६ मत पाएका छन् ।

साह यसअघि १८४ मतले उनै रायसँग पराजित भएका थिए ।

त्यस्तै, उपमेयरमा परविन १७ हजार ३३५ मतसहित विजयी हुँदा जनता समाजवादीका पूर्व सांसद समेत रहेका प्रमोद गुप्ताले १६ हजार ७७० मत पाए ।