बेलबारीको प्रमुखमा एमाले र उपप्रमुखमा कांग्रेस विजयी

विराटनगर, ६ जेठ । मोरङको बेलबारी नगरपालिकाको मेयरमा नेकपा एमालेका दिलप्रसाद राई विजयी भएका छन्। नगरपालिकास्थित निर्वाचन अधिकृतको कार्यालयका अनुसार राई १६ हजार ४ सय २२ मतसहित विजयी भएका हुन्।

राईले कांग्रेसका उम्मेदवार महेन्द्रप्रसाद सुवेदीलाई ८०२ मतको फरकमा पराजित गरेका हुन्। कांग्रेसका उम्मेदवार सुवेदीले १५ हजार ६ सय २० मत पाएका छन्।

त्यसैगरी, उपमेयरमा कांग्रेसकी उम्मेदवार नितु थापा १३ हजार ७३१ मतले विजयी भएकी छन्। थापाले एमालेकी तीलकुमारी न्यौपानेलाई १२६ मतले पराजित गरिन्। न्यौपाने १३ हजार ६०५ मत प्राप्त गरिन्।