काठमाडौँ, २० वैशाख । प्रबल नेपालले नजिकिँदै गरेको स्थानीय तह निर्वाचनलाई लक्षित गरी भोट सचेतना कार्यक्रम सम्पन्न गरेको छ ।
मंगलबार संस्थाका पदाधिकारीको उपस्थितिमा माछापोखरीस्थित “सचेत नागरिक भोट सचेतना“ कार्यक्रम सम्पन्न भएको हो ।
आम नागरिकलाई भोटको महत्वबारेमा बुझाउन कार्यक्रमको आयोजना गरिएको सस्थांको सस्थापक अध्यक्ष रन्जिता अधिकारीले जानकारी दिइन् ।
कार्यक्रममा नागरिकलाई आफ्नो भोटको महत्व र मतदान किन गर्नुपर्छ? हाम्रो मतले हाम्लाई हाम्रो समुदायलाई के कस्तो प्रभाव पार्छ ? भन्ने लगायका विषयलाई समेटेर सडकमा शान्तिपूर्ण र साङ्केतिक रुपमा पोष्टर प्रर्दशन गरि सम्पन्न गरिएको हो ।
यसरी प्रदर्शन गर्नाले आम मानिसमा एक भोटको महत्व कति हुन्छ भन्ने कुरा बुझाउन र सहि उम्मेदवारलाई आफ्नो मत दिएमा देशलाई विकास तर्फ ढकेल्न सकिने विश्वासले उक्त कार्यक्रम गरिएको अध्यक्ष अधिकारीले जानकारी दिइन् ।
प्रतिक्रिया