४ मंसिर २०८३, शुक्रबार

दशैं शुरु भएकै दिन निगमका यी पूर्वअध्यक्ष काठमाडौंमा मृत भेटिए

854
Shares

फन्ट परिवर्तन गर्नुहोस:

  • change font
  • change font
  • change font

काठमाडौं, २१ असोज । नेपाल वायु सेवा निगमका पूर्वअध्यक्ष ६७ वर्षीय रामाज्ञाप्रसाद चतुर्वेदी मृत अवस्थामा भेटिएका छन् ।

काठमाडौंको चाबहिलको बुलबुलेस्थित निर्माणाधीन घर अगाडि उनी बिहीबार बिहान मृत फेला परेका हुन् ।

प्रहरीको प्रारम्भिक अनुसन्धानमा चतुर्वेदीले घरमाथिबाट हाम फालेर आत्महत्या गरेको देखिएको छ ।

बिहान करिब सवा ७ बजेतिर उनले हाम फालेको प्रहरीको दाबी छ । सिसिटिभीमा उनी ६ बजेर १९ मिनेटमा घर माथि गएको र ७ बजेर १५ मिनेटमा माथिबाट खसेको देखिएको प्रहरीले जानकारी दिएको छ ।

प्रहरीले शव पोस्टमार्टमको लागि अस्पताल पठाएको छ । उनी २०६८ सालमा भष्ट्रचारको मुद्दामा जेल सजाय समेत भोगेका थिए ।