सर्वोच्चले संसद विघटनको रिटमा ३२ घण्टामा बहस सिध्याउन दियो आदेश

काठमाडौँ, २६ जेठ । सर्वोच्च अदालतले संसद विघटविरुद्धको रिटको बहस ३२ घण्टामा सिध्याउन आदेश जारी गरेको छ ।

अदालतले समय व्यवस्थापन तालिका समेत सार्वजनिक गरेर इजलासले रिट निवेदक तर्फका कानुन ब्यवसायीलाई सुरु बहसका लागि बढीमा १२ घण्टा र प्रत्युत्तर बहसका लागि ३ घण्टाको समय दिएको छ ।

सरकारी वकिल र प्रधानमन्त्री केपी ओली तर्फका कानुन ब्यवसायीलाई अदालतले १५ घण्टामा बहस सिध्याउन आदेश गरेको छ । अदालतका सहयोगी (एमिकस क्युरी) का लागि आधा घण्टाका दरले दुई घण्टा समय दिएको छ ।