मोरङमा पाँच वर्षीया बालिका बलात्कृत, ५५ वर्षीय राजेन्द्र रजक पक्राउ

मोरङ, १३ वैशाख । मोरङमा ५५ वर्षीय पुरुषद्वारा पाँच वर्षीया बालिका बलात्कृत भएकी छिन् ।

बालिकालाई जबरजस्ती करणी गरेको अभियोगमा बिराटनगर महानगरपालिका–१३ झमेली चोक डेरा गरी बस्ने कटहरी गाउँपालिका–३ घर भएका ५५ वर्षीय राजेन्द्र रजकलाई आइतबार दिउँसो प्रहरीले पक्राउ गरेको छ ।

राजेन्द्रले ती बालिकालाई ललाईफकाई आफ्नो कोठामा लगी जबरजस्ती करणी गरेको प्रहरीले बताएको छ । इलाका प्रहरी कार्यालय रानीबाट खटिएको प्रहरीले पीडकलाई पक्राउ गरेको प्रहरीको भनाइ छ ।

घटना सम्बन्धमा प्रहरीले थप अनुसन्धान गरिरहेको छ ।