कर्णालीमा एमालेका तीनै जना मन्त्रीहरुले मंगलबार राजीनामा दिने

सुर्खेत, २३ चैत । कर्णाली प्रदेशका तीन जना मन्त्रीले मंगलबार राजीनामा दिने भएका छन् ।

सोमबार नै राजीनामा दिने भनिए पनि मन्त्रीहरुले मंगलबार राजीनामा दिने भएका हुन् ।

आइतबार बसेको नेकपा एमालेको संसदीय दलको बैठकले प्रदेशका मन्त्रीहरुले राजीनामा दिने निर्णय गरेको थियो ।

उनीहरुले मंगलबार पत्रकार सम्मेलन गरेर राजीनामा दिने बताएका हुन् । उनीहरुले पार्टीको निर्णयअनुसार राजीनामा दिन लागेको बताए ।

सामाजिक विकासमन्त्री दल रावलले रातोपाटीलाई जानकारी दिए ।

एमालेबाट प्रदेश सरकार मन्त्री बनेका आर्थिक मामिलामन्त्री प्रकाश ज्वाला, सामाजिक विकासमन्त्री दल रावल र पर्यटन, उद्योग, वन तथा वातावरणमन्त्री नन्दसिंह बुढाले सरकारबाट राजीनामा दिन लागेका हुन् ।