चीनले दिने ८ लाख कोरोनाविरुद्धको खोप एक साताभित्र आइपुग्ने

काठमाडौँ, ९ चैत । चीनले अनुदानमा दिएको कोरोनाविरुद्धको ८ लाख डोज खोप एक साता भित्र नेपाल आउने भएको छ ।

खोप एक हप्ताभित्र आउने स्वास्थ्य सेवा विभाग व्यवस्थापन महाशाखा अन्तरगर्तको आपूर्ति व्यवस्थापन शाखाले जनाएको छ ।

नेपाल सरकारको अनुरोधमा चीन सरकारले ८ लाख डोज खोप अनुदान दिने भएको हो ।

ढुवानीमा दुई देशले एक अर्काबाट अपेक्षा गरेपछि खोप आइपुग्न ढिलाइ भएको बताइएको छ ।

खोप लिन सरकारले नेपाल वायुसेवा निगमको वाइडबडी विमान पठाउने तयारी गरिएको छ ।