काठमाडौँ उपत्यकामा थप १८६ जनामा कोरोना पुष्टि

काठमाडौँ, १३ भदौ । काठमाडौँ उपत्यकामा थप १ सय ८६ जनामा कोरोनाभाइरस संक्रमण पुष्टि भएको छ ।

शनिबार नियमित प्रेस ब्रिफिङमा स्वास्थ्य तथा जनसंख्या मन्त्रालयको प्रवक्ता प्रा. डा. जागेश्वर गौतमले पछिल्लो २४ घण्टामा काठमाडौँमा १ सय ५५, ललितपुरमा १९ र भक्तपुरमा १२ गरी उपत्यकामा १ सय ८६ जनामा संक्रमण पुष्टि भएको जानकारी दिए ।

देशभर शनिबार थप ८ सय ८४ जनामा संक्रमण पुष्टि भएको मन्त्रालयले जनाएको छ ।