शनिबार थपिए ८८४ जना कोरोना संक्रमित

काठमाडौँ, १३ भदौ । नेपालमा थप ८ सय ८४ जनामा कोरोनाभाइरस संक्रमण पुष्टि भएको छ ।

शनिबार नियमित प्रेस ब्रिफिङमा स्वास्थ्य तथा जनसंख्या मन्त्रालयको प्रवक्ता प्रा. डा. जागेश्वर गौतमले पछिल्लो २४ घण्टामा देशभर ८ सय ८४ जनामा संक्रमण पुष्टि भएको जानकारी दिए ।

संक्रमितहरुमा २ सय ४२ महिला र ६ सय ५२ पुरुष रहेका छन् । यससँगै संक्रमितको संख्या ३७ हजार ३ सय ४० जना पुगेको छ ।

त्यस्तै, मन्त्रालयका अनुसार गत २४ घण्टामा थप ३ सय १३ जनाले कोरोना जितेका छन् । योसहित निको हुनेको संख्या २० हजार ५ सय ५५ जना पुगेको छ ।