सर्लाही, ७ भदौ । प्रहरीले सर्लाहीको हरिवन नगरपालिका ५ घुर्कौलीबाट लागुऔषध बरामद गरेको छ ।
नियन्त्रित लागुऔषध १०१ बोतल डाइलेक्स डिसी, १९८ बोतल वयरलेक्स, ९०० थान नाइट्रोभेट र २०० थान स्पास्मो आइतबार बिहान प्रहरीले बरामद गरेको हो ।
इलाका प्रहरी कार्यालय हरिवनबाट खटिएको प्रहरीलाई देखेपछि बा ६२ प ४६४१ नम्बरको मोटरसाइकल छाडेर चालक फरार भएका थिए ।
त्यसपछि मोटरसाइकल जाँच गर्दा उक्त लागुऔषध फेला पारी मोटरसाइकल पनि बरामद गरिएको प्रहरीले जनाएको छ ।
प्रहरीले शंकास्पद एकजनालाई पक्राउ गरी अनुसन्धान गरिरहेको छ ।
प्रतिक्रिया