त्रिवि शिक्षण अस्पतालका थप ८ जना स्वास्थ्यकर्मीमा कोरोना, २ आईसीयूमा

काठमाडौँ, ३० साउन । त्रिवि शिक्षण अस्पताल महाराजगञ्जका थप ८ जना स्वास्थ्यकर्मीमा कोरोनाभाइरस संक्रमण पुष्टि भएको छ ।

संक्रमितहरुमा डाक्टर, नर्स तथा कर्मचारी रहेका अस्पतालले जनाएको छ । हालसम्म अस्पतालका २६ जना स्वास्थ्यकर्मीमा कोरोना संक्रमण देखिएको छ । उनीहरुमध्ये १४ जना उपचाररत छन् ।

इमर्जेन्सी वार्डका करिब एक सय जनाको स्वाब परीक्षण गरिएको छ । अझै केहीको रिपोर्ट आउन बाँकी रहेको बताइएको छ ।

त्यस्तै, २ जना कोरोना संक्रमित चिकित्सकको आईसीयूमा राखेर उपचार भइरहेको छ ।

अस्पतालका अनुसार संक्रमितहरु एक जना वीर अस्पताल र एक जना विराटनगरको नोबेल हस्पिटलका हुन् । दुवैको स्वास्थ्य स्थिति स्थिर रहेको बताइएको छ ।