गोकर्णेश्वर नगरपालिकामा कुशे औँसीको सार्वजनिक बिदा

काठमाडाैं, १३ भदाै । काठमाडाैंकाे गोकर्णेश्वर नगरपालिकाले कुशे औँसीको दिन अर्थात् शुक्रबार सार्वजनिक बिदा हुने भएको छ ।

नगरपालिकाले बिहीबार सार्वजनिक सूचना जारी गरी शुक्रबार सार्वजनिक बिदा दिन लागेको जनाएको हो ।

बुधबार बसेको २५ औँ नगर कार्यपालिकाको बैठकले कुशे औँसीको दिन शुक्रबार बिदा दिने निर्णय गरेको नगरपालिकाका प्रमुख सन्तोष चालिसेले जानकारी दिए ।

यो दिन गोकर्णेश्वर नगरपालिकाअन्तर्गत रहेका नगरपालिका, वडा कार्यालय, विद्यालय, अस्पताल र सरकारी कार्यालयमा सार्वजनिक बिदा हुनेछ ।

कुशे औँसीको दिन गोकर्णमा ठूलो मेला लाग्ने भएकाले गोकर्णे औँसीसमेत भनिन्छ ।