३४ किलो गाँजासहित दुई जना पक्राउ

काठमाडाैँ, ४ जेठ । प्रहरीले बाराबाट ३४ किलो गाँजासहित दुई जनालाई पक्राउ गरेको छ ।

लागूऔषध नियन्त्रण व्युरो कोटेश्वर तथा बारा प्रहरी कार्यालयबाट खटिएको टोलीले बारा पचरौता नगरपालिका वडा नं.८ लगंडाचोकबाट उनीहरुलाई पक्राउ गरेको हो ।

पक्राउ पर्नेहरुमा बारागढी गाउँपालिका वडा नं.३ खोपवा बस्ने बर्ष ४० को रामएकवाल चौधरी र बारा करैयमाई गाउँपालिका वडा नं.४ बस्ने लक्ष्मण चौधरीको छोरा बर्ष ५० को हरेन्द्र चौधरी रहेका छन् ।

उनीहरुले टाउकोमा बोकी ल्याएको बोराहरु चेकजाँच गर्दा अवैध लागु औषध गाँजा ३४ किलो फेला पारी बरामद गरेको थियो । उनीहरुलाई बारा जिल्ला अदालतबाट ५ दिनको समय लिएर प्रहरीले अनुसन्धान गरिरहेको जनाएको छ ।