रहेनन् भारतीय पूर्वप्रधानमन्त्री अटल वाजपेयी

काठमाडौं, ३१ साउन । भारतीय पूर्वप्रधानमन्त्री अटल बिहारी वाजपेयीको निधन भएको छ ।

उनको ९३ वर्षको उमेरमा बिहीबार निधन भएको हो । उनी लामो समयदेखि बिरामी थिए । उनको किड्नीमा संक्रमण भएको थियो ।

तीन पटकसम्म भारतको प्रधानमन्त्री भइसकेका वाजपेयी ११ जुनमा अस्पताल भर्ना गरिएको थियो ।

उनी भारत रत्नबाट पनि सम्मानित भएका थिए । उनले १५ वर्षअघि नै राजनीतिबाट सन्यास लिएका थिए ।