रौतहटमा गोली चल्यो, एक जना घाइते

काठमाडौँ, १५ माघ । रौतहटमा सोमबार बिहान गोली चल्दा एक जना गम्भीर घाइते भएका छन् ।

रौतहटको राजपुर–१ भगवानपुरमा गोली चलेको जिल्ला प्रहरी कार्यालय रौतहटले जनाएको छ । गोली लागी घाइते हुनेमा फरहदवा राजपुर नगरपालिका–९ बालुवा टोलका वर्ष ३५ का शेख सैफुल्लाह रहेका छन् । घाइते सैफुल्लाहको ढाडमा एक गोल लागेको प्रहरीले जनाएको छ ।

गोली कस्ले किन चलायो भन्ने खुल्न सकेको छैन । गोली प्रहार गर्नेको खोजी कार्य भइरहेको जिल्ला प्रहरी कार्यालय रौतहटले जानकारी दियो ।