काठमाडौँ, २५ कात्तिक । वैद्य नेतृत्वको नेकपा–माओवादीले सचिव नेत्रविक्रम चन्द (विप्लव)लाई पार्टीविरोधी गतिविधि तत्काल रोक्न निर्देशन दिएको छ ।
सोमबार पार्टी कार्यालय बुद्धनगरमा बसेको पोलिटब्यूरो बैठकसमेत बहिष्कार गरेको चन्द समुहलाई बैठकले त्यस्तो निर्देशन दिएको हो ।
चन्द समुह औपचारिक रुपमै पार्टी विभाजन गर्ने तयारीमा जुटेको भन्दै सो समुहले बुधबारदेखि गर्न लागेको राष्ट्रिय भेलासमेत रोक्न पोलिटब्यूरो बैठकले निर्देशन दिएको छ ।
दुईदिने पोलिटब्यूरो बैठकका निर्णय सार्वजनिक गर्दै मंगलबार जारी प्रेस वक्तव्यमा वैद्य र बादलले केही जिम्मेवार कमरेडहरुबाट पार्टी पद्दति विपरीत अलग ढङ्गले गतिविधि गरिरहेको भन्दै त्यस्ता गतिविधिहरु तत्काल बन्द गरी पार्टीलाई एकतावद्ध तुल्याउन निर्देशन दिएका हुन् ।
आगामी मंसिर ६ गते केन्द्रीय समितिको विस्तारित बैठक बोलाउने निर्णय समेत उक्त बैठकले गरेको छ । विस्तारित बैठकमा केन्द्रीय सल्लाहकार र वैकल्पिक केन्द्रीय सदस्यसमेत सहभागी हुन पाउनेछन् ।
प्रतिक्रिया