दाउन्ने पहाडमा मिनिबस र ट्रक जुध्दा एकजनाको मृत्यु

नवलपरासी, २२ कात्तिक ।  नवलपरासीको दाउन्ने पहाडमा मिनिबस र ट्रक जुध्दा  एकजनाको ज्यान गएको छ ।

पुर्व–पश्चिम राजमार्ग अन्तरगर्त उक्त पहाडमा भएका दुर्घटनामा  २५ भन्दाबढी घाइते भएका छन् ।

नेपालगन्जबाट पोखराबाट जाँदै गरेको भण्डारी लक्जरीको ना ५ ख ६६६ नम्बरको यात्रुबाहक बस र विपरित दिशाबाट जाँदै गरेको ना३ख ४३७६ नम्बरको ट्रकसँग ठेकिदा दुर्घटना भएको हो ।

दुर्घटनामा परी बसमा सवार महिलाको ज्यान गएको हो ।

प्राप्त जानकारी अनुसार घाइतेमध्ये १० को अवस्था गम्भीर छ । गम्भीर घाइतेलाई लुम्बिनी अञ्चल अस्पतालमा पठाइएको प्रहरीले जनाएको छ ।