पोखरामा गेष्टमै बालिकाको बलात्कार, एक पक्राउ

कास्की, २९ असार । पोखरामा एक बालिकाको गेष्ट हाउसमै बलात्कार भएको छ ।

केन्द्रीय प्रहरी समाचार कक्षका अनुसार लेखनाथ महानगरपालिका–२८ कालिका स्थान घर भई हाल नयाँबजार बस्ने १२ वर्षीया बालिकालाई ललाई फकाई लेखनाथ महानगरपालिका–८ नयाँबजार स्थित शुभकामना गेष्ट हाउसमा लगी जबरजस्ती करणी गरेको अभियोगमा पर्वत बेहुलिवास–७ घर भएका १९ वर्षीय रमेश बिकलाई बुधबार प्रहरीले पक्राउ गरेको छ ।

यस सम्बन्धमा प्रहरीले थप अनुसन्धान गरिरहेको छ ।