नेपालगञ्जमा आगलागी, आगो नियन्त्रण गर्ने क्रममा सुरक्षाकर्मी घाइते

– आकाश देबकोटा

बाँके, १४ जेठ । नेपालगञ्जको धम्बोजी चोक नजिक रहेको एक पसलमा आगलागी भएको छ । श्रेया इन्टरप्राइजेजमा आगलागी भएको हो ।

दमकलसहित स्थानीय र सुरक्षाकर्मीले आगो निभाउने प्रयास जारी राखेका छन् । कार्पेट, फर्निचर पसलबाट लागेको आगो अन्यत्र फैलिइरहेको छ ।

नजिकैको होटलमा मान्छे रहेको आशंकामा प्रहरीले उद्धार गरिरहेको छ । त्यसक्रममा एक प्रहरी समेत घाइते भएका छन् ।
बाँकेका प्रहरी प्रमुख टेकप्रसाद राईको नेतृत्वमा सुरक्षाकर्मी आगो निभाउन खटिएका छन् ।

आगो नियन्त्रणमा कोहपुर र नेपालगञ्जको दमकल तैनाथ गरिएको छ । आगलागी करिब बिहान साढे ९ बजेतिर सुरु भएको हो ।